錢錢錢錢、錢錢錢錢…

平時去 5-7日旅行都要諗過度過，酒店、車費、食、其他開支等等，樣樣計到足，更何況而家去成年，仲要係日本！！

申請VISA時，領事館都要求我地要有 $22,000，以應付初到日本時的開支，但認真計一計，日本租屋約 $5,000、交通大概 $2,000、飲飲食食 $2,000 (未搵到工唔駛旨意有多餘錢買零食 -_-'')，仲有其他雜費 (如水電煤、上網等) 又 $1,000，加加埋埋每個月要成萬蚊先夠駛 (唔節衣縮食仲喇利~~)。最保險梗係帶多1、2萬，因為到步後既一兩個月未必會咁快搵到工，你唔食，間屋都要食gah… >_<

計掂數就要預一預唱幾多 Yen。早排 d Yen 高到 9個幾，好恐怖，所以要早少少留意定個市，睇實個匯率，一到低位就入喇！哈哈，當然，我唔係唱 10 萬 9 千 7，8.2同 8.3 都唔爭得好遠，但低價買入會好開心﹏