因為係第一屆，領事館想隆重其事，就安排首批 125 名成功申請日本工作假期計劃既其中 6 名參加者到領事館出席 2月22日搞既記者會，我就係其中一個。由於2月23 日先向外正式公布申請結果，領事館職員千叮萬囑叫我唔好同人講 (好神秘…..)，叫我同其他人上去 Office 只係同日本駐港總領事佐藤重和先生見面同可能有幾位記者影下相。結果….差不多所有港聞版記者都有出席，仲黎埋 Cable TV、NHK 同某部分日本傳媒。OMG (>_<)''，早知落重少少手，化個靚妝，唉….蝕晒~~！(其實個 topic 咁吸引，應該一早知會有好多 press，枉我做呢行，失策失策﹏)
當日好多記者問我點解參加呀、準備幾多錢呀…等等既問題，我都不厭其煩咁回答。「有無 6 位數字呀？」「差唔多啦！」我確實係準備左呢筆錢，另外，都有提及去到日本識男仔既事。第二日見報，朋友驚訝、討論區網友孖叉︰「有無搞錯，有咁多錢就唔好同我地爭！」、「送晒 d 豬扒去日本！」、「第一個最樣衰。」等等 comments 盡出。
心諗，「6 位數字，有何不可？」第一︰無人講過話會用晒 d 錢；第二︰Working Holiday 唔 guarantee 搵到工，準備充足彈藥係對自己同屋企負責任既表現；第三︰關你咩事！？
同佐藤重和先生(中)&其他5位代表合照…好玲瓏的我….
領事館送既禮物 (其餘119位成功申請者無的 :p)
沒有留言:
張貼留言