花多眼亂之中介租屋

朋友知道我要玩轉日本後，都紛紛介紹佢地響日本既friendsssss畀我，叫我出發前、到步後搵佢地幫手，有 d 仲話如果想share room，可以幫手問下，真係好多謝佢地，感動呀！Share room 雖然可以同 partner 攤分租金，但好似無左私人空間咁，諗左好耐，都未知以咩形式租屋好。

或者先比較一下日本公寓既租賃種類先啦︰

同香港一樣，在日本可以透過一 d 中介公司幫手，因應地點、交通、租金等要求在網上選擇自己心儀既 "物件" (即租屋單位)，唔想自己搵的話，都可以將住屋條件話畀中介公司知，佢地會好樂意幫你，帶你去睇屋，朋友經驗之談，網上見到既 "物件" 相同真屋無異 (都好難有異 wor，都係一間 "吉" 屋，哈哈！)，不用擔心貨不對辦。



不過，唔知係咪多年前有人做壞姿勢，搞到 d 日本人對外國人無晒信心，唔肯將房子租畀外國人，搵到肯租既，又要一位日本人做保證人 (無啦啦邊樹搵個保證人…)，總之就係煩煩煩。日本租約一般要簽兩年，Working Holiday VISA只得一年，點算？聽朋友話，有 d 中介公司都肯幫忙，都係果句，有錢就乜都得。

相信好多準備響日本生活既朋友對呢種形式租屋都充滿期盼，不但可以擁有真正的家，又可更貼近日本人生活，然而，普通租賃型房屋都唔包傢具，畀埋 d 錢得間「吉」…屋，床單被褥全部自己負責，又要搞水電煤、上網等，當中既安排都唔野小。但諗深一層，咁有 gut 屎申請 Working Holiday VISA，就預左要面對種種挑戰，樣樣都要人地送到埋咀邊，sorry，Working Holiday唔啱你。

做過一 d research，發現普通1DK月租離不開50,000-60,000Yen，想距離地鐡站唔太遠又想住得鬆動少少，58,000-70,000Yen就走唔甩，當然金額唔可作準，要視乎其他因素，仲要睇下你好唔好彩，下面網站幫到我同你︰

Able – 日文網站，user-friendly，用易搵物件
Alps-Jutaku – 日文網站，自覺物件租金較貴
Hir@gana Times – 英、日文網站，以介紹日本租屋基本概念資料為主
Mimi – 日文網站，標榜0敷金0禮金，自覺物件選擇較少
Interwhao – 中、英日文網站，中介公司，同事識英文、國語，很helpful
Tokyo City Apartment – 英文網站，東京物件為主，一般物件月租60,000Yen
另外，在Google/Yahoo都可以マンション (Mansion) 搜尋更多有用資料