花多眼亂之短期月租マンスリーマンション

睇呀睇，雖然中介租屋可以畀到個家的感覺我，但雜費太多…仲有時間，不如睇下唔需要保證人、仲介費、禮金等既短期月租房屋 (monthly apartment)。呢類租屋容許最短一週、最長一年以上既contract，可以話無咁 "困身"，亦唔駛畀租約綁死，適合短期停留日本既留學生或外國人，當然仲有我地呢班WH VISA人。

有別於中介租屋，monthly apartment一般已包括所有傢俬、煮食工具、電器，唔係一間吉屋呀！！正wor！租金仲已包括水電煤及上網費，對唔想煩既你同我黎講確實係一個幾好既選擇。資料顯示，有 d 公司更提供長期優惠計劃，如果租住6-12個月，會有折扣，不過要在入住時簽約確認租期，並即時付上所有租金，都幾喇利！仲有，因為 well-facilitated 既關係，monthly apartment 既租金比一般單位貴，搬入前/出後 (按不同公寓而定) 仲要支付一筆清潔費 << 唔知要幾多，按 apartment size/location 而定，亦有單位既管理費等住你~！

如果中介租屋月租係 60,000Yen 的話，monthly apartment 應該要係一個 double，如果同朋友攤分都 ok 既，一個人就富貴….同吃力 d 了。下面網站幫到我同你︰

Good Monthly – 日文網站，標榜日本最大物件搜尋網
Good Stay – 日文網站，Interface簡單，易搵物件
Leoplace21 – 中、英、日文網站，較為港人熟識，但自覺物件租金較貴
TOHTO Monthly – 日文網站，針對東京、神奈川物件為主
Town Monthly – 中、日文網站，針對東京物件為主，多字，要較有心機搵物件
Zero Monthly – 日文網站，對物件有詳盡介紹
另外，在Google/Yahoo都可以ウィークリー或マンスリーマンション搜尋更多有用資料