簽證到手

領事館規定，成功申請者需於結果公佈 ( 2月23日 ) 日計起至4月9日之前，親身到日本總領事館領取簽證文件 (即VISA)，並於 3 個月內出發。即係如果我 4月9日先去攞 VISA，就可以拖到7月9日先出發，no show 就當放棄。若首輪申請失敗，可以再接再厲，於5月4日至13日參加第二期報名。GOOD！

取 VISA 當日，帶齊以下文件，交畀簽證部櫃台，職員核實無誤，等20-30分鐘，Working Holiday VISA 就到手了！

(1) 護照
(2) 收據正本(就係有你申請NO.既收據)
(3) 海外旅行保險之證明文件


其實，對上列第三點既要求，好多人都唔係太清楚。我都以為一份旅遊保就搞掂，但原來一般旅遊保險之保障期頂多半年，點算好？其實，領事館只要你有份保險 support 住，大吉利是發生咩事，都有個保障，郁同唔郁都有人送你返香港就得。因此，用半年期既旅遊保得、人壽保又得，我就選擇左 Blue Cross 既醫療保，約 $1,800，包你響果邊意外入院，我問過，大部分醫療保都唔包外地門診，而非日本人既睇醫生錢又異常咁貴，所以大家記緊多做運動，保持身體健康，千祈唔好病！

小事一則︰我 Lunch hr 去攞 VISA，個職員話要等半句鐘，「咁耐呀，我可唔可以放工過黎？」「我地4:45關門wor，你都係等等啦，而家即刻幫你做。」OMG，搞咩？4:45 收工？ (>_<) 另外，我對緊資料時，職員︰「問下嫁jah，領事想知你準備成點同幾時出發。」「多謝領事關心，7788 喇....(如果佢可以介紹份工畀我會快D)。」:p