做左呢份 PR (唔係高叉 dress 果隻呀~~) 2 年幾，教琴都教左差唔多 7 年，一次過辭兩份職，為既係一年日本打工、生活體驗，好聽 d 講係追求自己想要的，講真 d就係︰「傻仔，辭兩份工，仲唔知一年後係咩環境！」 (>_<)。
參加 Working Holiday 不宜有太多 fantasy，真係要諗清楚，要有足夠銀根、放棄香港工作、part-time 等等…雖然係咁，但如周星馳所講︰「如果人生冇夢想，同條鹹魚有咩分別？」我絕對同條鹹魚有分別，我深信呢一年得既一定比失既更多！
由於日本領事館同香港勞工處批左 VISA 之後就拍拍籮柚，唔好話介紹工作，連去到日本要注意 d 咩的基本資料都無，總之 support 就係「伯母」，在日本一年的衣食住行全部都要靠自己，所以由知道「得左」果一刻起就註定要同惡夢為伍。又要準備呢樣，又要準備果樣，大野衣食住行固然緊要，到步後濕濕碎碎既安排都唔睇得少！
要搵、安排既野太多，完全唔知點入手。當我在煩與痛的邊緣徘徊時，畀我發現一本由台灣女仔出，講有關日本 Working Holiday 既書 (好野呀你，呢個時候黎香港賣) – Suncolor 出版「日本打工度假全攻略」，呢 d 錢點都要駛…。本書畀左個overview d 參加者，教人出發前、落地後要做咩等等、住宿安排、又有 case study，介紹唔同種類既工作，但講真，如果我有機會出返本，我有信心寫得好過佢 :P，因為佢無咩特別 angle，寫得好平舖直序，在介紹工作選擇時還有點嚇人呢！當然，準備出發前作為一個概覽而言，都不失為一本好書既﹏(對自己一啖砂糖一啖 fee 既評論實在有點頂唔莆 >_<)
教你打電話搵工既對白
包食包住既 WWOOF 農場體驗
沒有留言:
張貼留言