我的後宮佳麗

由細到大，我張 bed 上面都舖滿不下10隻大大小小既毛毛公仔，晚晚都要攬住一隻年紀同我差唔多咁大、無沖涼成廿年既鯨魚公仔 (別人眼中的一條鹹魚…) 先瞓得著，去到日本無左佢地點算好？

帶鯨魚仔去日本度假是無可能的了，畢竟佢都一把年紀 (亦因為佢 size 有我半個身長咁大隻，除非 DHL 唔收我錢…)，唯有好跟風咁，帶一隻小小 travel mate，陪影相周圍玩。Circle K pooh pooh、7-11 bubi bubi 都吸引唔到我，唯獨係 M 記隻漢堡神偷，佢既笑淫淫樣，叫我又要食肥野，用$12將佢納入我既「毛毛後宮」。

同漢堡神偷咁上下大小既毛毛都有好幾隻，而且，佢又係新豬肉，無理由剛剛入宮就可以周遊列國，咁對其他佳麗好唔公平，但佢個樣又真係好鬼得意…點揀好？帶晒佢地去得唔得呀？