家族經營

9月19日係日本敬老日，公眾假期，返夜班的我閒到不得之了，試過半個鐘只得兩個客， D 時間真係過得好慢，返 8 個鐘好似要返個 double 咁…十分恐怖！結果不停同同事傾偈，驚知原來 Owner 有兩個妹，都係響便利店返工，就係我朝朝都見既奧山及宮坂太太，估都估唔到，因為佢地三兄妹由腳指尾兜個圈上返黎睇幾次都唔似樣，而 Owner 既太太就係店既經理，真真正正的家族生意﹏！

另外，原來我有幸響一間每日營業額愈 1,000,000yen 既便利店返工，呢個數字只有響上野、池袋等旅遊爆旺區先做到，而家就響商業區做到咁高金額，實在唔睇得少！